ئه رشيف

رێكخراوا هیڤى 
 
هیڤى رێكخراوه‌كا سه‌ربه‌خویێ نه‌ سیاسى  و خێرخوازه‌ و یا تیبه‌تمه‌نده‌ ب پێدان و په‌یداكرنا خزمه‌تگوزارێن چاڤدێریا ساخله‌مى یێن جورا و جور ب تیابه‌ت بو زاروكا و هاتیه‌ توماركرن وه‌ك رێكخراوه‌كا نه‌ میرى ل هه‌رێما كوردستانێ ل سالا 2005. رێكخراوا هیڤى ل سه‌رانسه‌رێ عیراقێ كار دكه‌ت لێ ب تایبه‌تى ل هه‌رێما كوردستانێ
 
ژ به‌ر نه‌ چاڤدان و پشت گوه هاڤیتنا حوكه‌متێن ناڤه‌ندیێن عیراقێ  د ده‌هان سالێن بورى دا, هه‌رێما كوردستانێ ئازار و  گرفت و ئاریشێن گران د هه‌مى بوارێن ژیانێ دا هه‌بوون وه‌ك ( ساخله‌مى و فێركرن و خزمه‌تێن سه‌ره‌كى و ئابوورى) له‌ورا نه‌خوشیێن گران و ئالوز ب شێوه‌یه‌كێ به‌رفره‌ه دناف خه‌لكێ دا په‌یدابوون. شه‌ر و بكارئینانا چه‌كێن كیمیاوى یێن قه‌ده‌غه‌كرى ئێشێن توند په‌یداكرن. نه‌خوش به‌ختانه‌ ژ به‌ر پێ چێنه‌بوونا ده‌زگه‌هێن ساخله‌مى سه‌ره‌ده‌رى د گه‌ل ڤان جوره‌ نه‌خوشیان نه‌ هاته‌ كرن
تا نوكه‌ هه‌رێما كوردستانێ ژێرخانه‌كا باش یا ساخله‌مى نینه‌ ژ به‌ شه‌ر و سال و كاتێن د دكتاتوریه‌تێ را بورى. زێده‌بارى ئاسته‌نگێن كه‌رتێ ساخله‌میێ  نه‌بوونا په‌روه‌ردا ساخله‌مى  ئاریشێن ساخله‌مى یێن زاروكا زێده‌تر هه‌لدان
 
رێكخراوا هیڤى  چه‌ند پێداچوون و ئامار ل سه‌ر هه‌بوونا و نه‌خوشیا ل هه‌ریمێ كوردستانێ ( دهوك و هه‌ولێر و سلێمانى و كه‌ركوك ) ئه‌نجامدان و رابوو ب پێشكێشكرنا خزمه‌تگوزارێن باش بو نه‌خوشا و پێشڤه‌برنا كه‌رتێ ساخله‌مى د چه‌ندین بوارا دا ب تایبه‌تى مه‌شقكرنا نوژدارا و په‌یداكرنا  هه‌ڤكارى و په‌یوه‌ندیێن باش و ب هێز  دگه‌ل وه‌زاره‌تا ساخله‌میێ و وه‌زاره‌تا خاندنێت بلند داكو باشتر پالپشتكرنا  سیسته‌مێ ساخله‌مى و فێركرنێ ل هه‌رێما كوردستانێ بكه‌ت
 
رێكخراوا هیڤى ده‌ستپێشخه‌رى كر ژ بو په‌یداكرنا چاره‌یا ژ بو كاودانێن لاواز ئه‌وێن زاروكێن نه‌خوش تێدا د بورن ب رێكا دروستكرن و پێشئێخستنا پروژێن ساخله‌مى بو هاریكاریكارنا چاره‌سه‌ریا زاروكا ئه‌وێن نه‌خوشیێن جورا و جور و گران هه‌یین و هه‌روه‌سا پێشئێخستنا پروسا چاره‌سه‌ریكرنا زاروكا ل ده‌زگه‌هێن ساخله‌مى و ب رێكا په‌یداكرنا  توره‌كا هه‌ڤالبه‌ندیێ و خوبه‌خش و پشته‌ڤان بو پێدانا خزمه‌تێن ساخله‌مى بو زاروكێن نه‌خوش ب پێكئینانا په‌یوه‌ندیێن بهێز دگه‌ل رێكخراوێن ئیتالى ئه‌وێن تایبه‌تمه‌ند ب ڤان جوره‌ نه‌خوشیا ڤه
 
مه‌ردینى و نه‌ماندیبونا كارمه‌ندێن هیڤى د كاریدا سه‌ركه‌فتنێن هه‌ره‌باش ونایاب بو ڤان جوره‌ پروژا په‌یدادكه‌ن,  ده‌ستپێكرن ژ پروسێن ئیدارى ژ بو پێكئینانا ئه‌رشیف و تومار و پێزانینێن نه‌خوشا و هاریكارى بو پێكئینانا دوكیومێنتا ب ئاستێ ده‌زگه‌هێن ساخله‌مى یێن باوه‌ر پێكرى و پشته‌ڤانیا لوجستى و په‌یداكرنا په‌یوه‌ندیێن ب هێز و دیفچوون دگه‌ل نه‌خوشا و رێبه‌ریا تیمێن ساخله‌مى یێن ئیتالى هه‌رژ ده‌مێ گه‌هشتنا وان بو كوردستانێ و تا ده‌مێ ده‌رچونا وان و په‌یداكرنا هه‌مى پێتڤیا بو تیمێن ساخله‌مى ژ بو ئه‌نجامدانا نشته‌رگه‌ریا و مه‌شقكرنێ و پێشكێشكرنا  سمینارا و كومبوونا هه‌روه‌سا رێڤه‌برن و هه‌ڤكاریكرنا هه‌مى كارێن پروژا بشێوه‌یه‌كێ  شاره‌زا و زور باش و ئاسته‌كێ گه‌له‌ك بلند
 
ئامارێن چالاكیێن هیڤى ژ سالا 2006 – 2015 ل خوارێ هاتینه‌ دیاركرن :
 
سه‌رجه‌مێ نه‌خوشێن هاتینه‌ پشكنین یان چاره‌سه‌ركرن دبنه‌ (186,276) نه‌خوش 
 
• 4731 نه‌خوش هاتنه‌ چاره‌سه‌ركرن ل ناڤخویا عیراقێ  
• 483 نه‌خوش هاتنه‌ چاره‌سه‌ركرن ل وه‌لاتێ ئیتالیا ب هه‌ڤكارى دگه‌ل  رێكخراوێن ئیتالى
• 811 نه‌خوش هاتنه‌ نشته‌رگه‌ریكرن ژ لایێ تیمێن نوژدارێن ئیتالى ڤه‌ ل كوردستانێ
• 18409 نه‌خوش هاتنه‌ پشكنین ل كوردستانێ ژ لایێ تیمێن نوژدارێن ئیتالى ڤه‌ و نوژدارێن خومالى یێن مه‌شقداى
• 119284 نه‌خوش هاتنه‌ چاره‌سه‌ركرن ل پروژێ تیما ته‌ندروستى یا گه‌روك بو گوندا وده‌ڤه‌رێن دووره‌ده‌ست ل دهوكێ
• 18 نه‌خوش هاتنه‌ هنارتن بو نه‌خوشخانا ئیتالى ل وه‌لاتێ سودانێ ب هه‌ڤكارى دگه‌ل  رێكخراوا Emergency یا ئیتالى 
• 1420 نه‌خوش هاتنه‌ پشكنینێ ل پروژێ پشكنینێ وزوده‌ما ده‌ست نیشانكرنا په‌كه‌فتنێ ,239 نه‌خوشێن تلاسیمیا و 1181 ئافره‌تێن دوو گیان هاتنه‌ پشكنین كرن ب ئامیرێ سونارێ و پشكنینێن خوینێ بو وان هاتنه‌ چێكر
• 85 نوژدارێن خومالى هاتنه‌ مه‌شقكرن ل وه‌لاتێ ئیتالیا ب هه‌ڤكارى دگه‌ل  رێكخراوێن ئیتالى
• 809 كارمه‌ندێن ته‌ندروستى و نوژدارێن خومالى هاتنه‌ مه‌شقكرن ل سه‌ركارى ل كوردستانێ ژ لایێن تیمێن  ئیتالى ڤه‌
• 344 كارمه‌ندێن ته‌ندروستى و نوژدارێن تایبه‌تمه‌ندێن شاره‌زا یێن ئیتالى ل كوردستانێ كار كرن چه‌ندیین جارا
 
پروژێن  سالێن 2006- 2015  
 
1. پروژێ : چاره‌سه‌ركرنا نه‌خوشان ل ناڤخویا عیراقێ  
2. پروژێ : توماركرن و پشكنینا زاروكێن نه‌خوشێن دلى یێن زكماكى ل هه‌رێما كوردستانێ
3. پروژێ : چاره‌سه‌ركرنا نه‌خوشان و مه‌شق كرن وراهێنانا نۆژداران وكارمه‌ندێن ته‌ندروستى ل ئیتالیا و ل كوردستانێ ب هه‌ڤكارى دگه‌ل رێكخراوێن ئیتالى
4. پروژێ : گه‌شه‌پێدانا و ئاڤه‌دانكرنا شیانێن ته‌ندروستى بوچاره‌سه‌ركرنا ونشته‌رگه‌ریكرنا زاروكێن توشى نه‌ساخیا دلى یێن زكماكى ونه‌خۆشێن تر ماوێ به‌خشینێ : 2008/01/05 - 2009/05/06
5. پروژێ : پێكئینانا تیمه‌كا ته‌ندروستى یا شاره‌زا د بوارى چاره‌سه‌ركرنا نه‌خوشیێن دلى یێن زكماكى ب رێكا قه‌سته‌رێ ل دهوكێ ماوێ به‌خشینێ : 21.07.2008 - 30.04.2010
6. پروژێ : تیما ته‌ندروستى یا گه‌روك بو گوندا وده‌ڤه‌رێن دووره‌ده‌ست ل دهوكێ
7. پروژێ : پشكنینێ وزوده‌ما ده‌ست نیشانكرنا په‌كه‌فتنى
8. پروژێ :خودانكرنا زاروكان  ژ دویر
9. پروژێ : ئاڤاكرنا قوتابخانه‌كێ بو په‌نابه‌رێن كوردێن سورى ل كه‌مپا دومیز ل دهوكێ
 
هه‌ڤكار:
نڤیسینگه‌ها رێزدار نیّچیرڤان بارزانى به‌شى ته‌ندروستى – هه‌ولێر
حكومه‌تا هه‌رێما كوردستانێ– هه‌ولێر
حكومه‌تا هه‌رێما كوردستانێ - وه‌زاره‌تا ته‌ندروستى – هه‌ولێر
رێڤه‌به‌ریا گشتى یا ساخله‌میا پارێزگه‌ها دهوكێ
رێكخراوا ئیتالى /  Associazione Culturale Italia Kurdistan A.C.I.K 
 رێكخراوا ئیتالى /  Associazione Iniziative di Solidarietà SIA
كارمه‌ندێن خوبه‌خش ل نه‌خوشخانا ته‌نگاڤیان ل توسكانا –  ئیتالیا    
رێكخراوا ئیتالى / IME Foundation - Mediterranean Institute of Haematology 
رێكخراوا ئیتالى /  Med Child Institute Fondazione Istituto Mediterraneo per l'infanzia
باژێرڤانیا سییه‌نا – توسكانا – ئیتالیا 
 بالیوزخانا ئه‌مریكى – به‌غدا
رێكخراوا ئیتالى / Cuore Fratello Onlus
رێكخراوا ئیتالى / Emergency NGO
رێكخراوا ئیتالى / Fondazione Monastero Costafabbri – Siena
 رێكخراوا ئیتالى / Bambini Cardiopatici nel Mondo A.I.C.I. ONLUS- San Donato Hospital-Milan
 بالیوزخانا ئیتالى – به‌غدا
قونسل گه‌رى ئیتالى – هه‌ولێر 
رێكخراوا ئیتالى Manatena Italia ONLUS 
World Health Organization: WHO            
 
 

 

په‌یوه‌ندیێ ب مه‌ بكه‌ن :
 
رێكخراوا هیڤى – عیراق – هه‌رێما كوردستانێ / دهوك – جادا مهاباد ژماره‌ 7

ته‌له‌فون: + 964 750 431 4204 /+ 964 627 625155

پوستێ ئه‌لكترونى : Heevie_duhok@yahoo.com

تويتر : Heevie

فيس بوك : Heevie

سایت : www.heevie.org

 


 
ئه‌ژمارا ژمێریارى یا بانكى : 

عیراق – دهوك – بانكا ره‌شید – تایێ خه‌بات

رێكخراوا هیڤى  ئه‌ژمارا ژمێریارى یا زاروكان – 50350

ته‌له‌فونا بانكێ : 0627625989

 


 
تێبینى : هین دشێن فورما به‌خشینیێ  Donation Form  ل مالپه‌رێ سه‌ره‌كى وه‌ربگرن
 


ئه‌رشیفێ 
 

 

Contact Us

Heevie Organization

Iraq, Kurdistan Region / Duhok - St. Mahabad No. 7

+964 750 4314204

+964 62 7625155
 
Email : heevie_duhok@yahoo.com  -  Facebook : Heevie  -  Twitter : Heevie