پروژێ 2009

 

1- پروژێ : گه‌شه‌پێدانا و ئاڤه‌دانكرنا شیانێن ته‌ندروستی بوچاره‌سه‌ركرنا ونشته‌رگه‌ریكرنا زاروكێن توشی نه‌ساخیا دلی یێن زكماكی ونه‌خوَشێن تر ماوێ به‌خشینێ : 2008/01/05 - 2009/05/06 
 
ئه‌ڤ پرۆژه‌ هاته‌ بجهئینان ژلایێ رێكخراوا هیڤی و ب هاریكاریا هه‌ردوو رێكخراوێن سیا و میدچایلد و پشته‌ڤانی و پاره‌دانا بالیوزخانا ئه‌مریكا ل به‌غدا و حكومه‌تا هه‌رێما كوردستانێ، ل ژریا دووێ 2008 و ئادارا 2009 دوو ئه‌رك ل هه‌ڤلێر و دهوك ئه‌نجامدان، ئارمانج ژ پرۆژێ گه‌شه‌كرنا شاره‌زایی و شیانێن نوژدارێن نافخویی بو ب رێكا مه‌شقدانێ و ب رێكا نشته‌رگه‌ریێن زارۆكان ئه‌وێن ل هه‌رێما كوردستانا عێراقێ هاتینه‌كرن. 
 
 
هزرا پرۆژه‌ی هه‌ر دبنیاتدا هه‌بوو لێ ب ئاستێن نزمتر دهاته‌ بجه ئینان، هزرا پرۆژه‌ی هاته‌ پێشكێشكرن بو RRT تیما ئاڤه‌دانكرنه‌ڤه‌ یا ئه‌مریكا و ژلایێ وانڤه‌ پاره‌ بو هاتنه‌ دان و ب هاریكاریا نوژدارێن ئیتالی ئه‌وێن به‌رهه‌ڤیا خو دیاركری بو كاركرنێ دڤی پرۆژه‌یدا وه‌ك خوبه‌ش و بێ به‌رامبه‌ر. هه‌ڤكاری دناڤبه‌را رێكخراوا هیڤی و نوژدارێن ئیتالی ب رێكا رێكخراوێن ئیتالی SIA و Medchild وIME بوو ئه‌ڤی پرۆژه‌ی ده‌لیڤه‌ بو خه‌لكێ نافخویی ڤه‌كر بو مفا وه‌رگرتن ژ خزمه‌تكاریێن تیما نوژداریێ یا ئیتالی. گه‌له‌ك خێزانێن هه‌ژار ب هه‌روه‌ زارۆكێن خو یێن نه‌خۆش چاره‌كرن وبێ كو بچنه‌ ده‌رڤه‌ و ده‌وله‌تێن ره‌خ و دور بو چاره‌ركرنێ، نوژدارێن نافخویی پشكداری دهه‌می بڕگه‌یێن ڤی ئه‌ركی كرن و ده‌لیڤا فێربوونا ته‌كنیكا نوی دپشكنینا نه‌خۆشان و وه‌رگرتنا بریاران بده‌ستخوڤه‌ ئینان زێده‌باری فێربوونا ته‌كنیكا نوی دنشته‌رگه‌ریێن زارۆكان.
 
ده‌سهه‌لاتێن نافخویی و ده‌زگه‌هێن ساخله‌میێ خوشحالیا خو بو ڤی پرۆژه‌ی دیاركرن و به‌رهه‌ڤیا خو نیشادا بو بو پێشكێشكرنا هه‌می جورێن پشته‌ڤانیێ ژبو بجهئینانا ئارمانجێن ڤی پرۆژه‌ی ب ره‌نگه‌كێ سه‌ركه‌فتیانه‌، ده‌سهه‌لاتێن نافخویی و زارده‌ڤێ وه‌زیرێ ساخله‌میێ و رێڤه‌به‌رێ گشتی یێ ساخله‌میێ ته‌ركه‌زكرن كو ئه‌ڤ پرۆژه‌ ده‌لیڤه‌كا مه‌زنه‌ بو نوژدارێن نافخویی بو بده‌ستڤه‌ئینانا پێزانینێن زانستی یێن نوی و ته‌كنیكا نوی ژ نوژدارێن ئیتالی، عێراق ب ره‌نگه‌كێ گشتی چ ته‌كنیكا باش لێ نینه‌ بو چاره‌كرنا بوارێن نه‌خوشیێن زاروكان. بو هه‌می نه‌خوش و خێزانێن وان هاته‌ رونكرن كو پاره‌ و پشته‌ڤانی بو ڤی پرۆژه‌ی ژلایێ حكومه‌تا ئه‌مریكا بوو، ئه‌ڤ پرۆژه‌ ده‌رئه‌نجامێ بزاڤه‌كا هه‌ڤپشك بوو ب هه‌ڤكاری دگه‌ل رێكخراو و نوژدارێن ئیتالی و ده‌سهه‌لاتێن نافخویی یێن هه‌رێما كوردستانا عیراقێ، ئه‌ڤ پرۆژه‌ بو جهێ گرنگیدانا ده‌زگه‌هێن راگه‌هاندنێ یێن نافخویی كو پتریا چالاكیێن تیمێن نوژداریێ رومالكرینه‌ و گه‌له‌ك هه‌ڤدیتن دگه‌ل نوژدارێن ئیتالی و نافخویی ئه‌نجامدان، خێزانێن زارۆكێن نه‌خۆش سوپاسیا وان هه‌می لایه‌نا كر ئه‌وێن ئه‌ڤ پرۆژه‌ كریه‌ تشته‌كێ راسته‌قینه‌ لسه‌ر ئه‌ردێ واقعی. 
 
ئه‌ڤی پرۆژه‌ی رێكخراوا نوژدارێن ئیتالی هاندان كو داخوازێ ژ نه‌خوشخانێن ئیتالیا بكه‌ن دا كۆمه‌له‌كا زارۆكێن نه‌خۆش وه‌رگرن و نشته‌رگه‌ری بو بهێته‌كرن و هه‌می مه‌زاختن لسه‌ر كیستێ وان بیت، پرۆژه‌ی نوژدارێن نافخویی پالدان كو گڤاشتنا بێخنه‌ سه‌ر ده‌سهه‌لاتا بو گرنگیدان دبیاڤێ چاره‌كرنا زارۆكان و بكارئینانا ته‌كنیك و ئامیرێن نوی. 
 
ده‌سكه‌فتێن پرۆژه‌ی:
 
سه‌رجه‌مێ نشته‌رگه‌ریێن هاتنه‌ ئه‌نجامدان ژ مه‌ها چــریا دووێ 2008 تا گولانێ 2009 (90) وه‌كی ل خشتێ خوارێ دیار:
 
41 نشته‌رگه‌ریێن نه‌خوشیێن دلی یێن زكماكی , 46 نه‌خوشیێن نشته‌رگه‌ریا زاروَكان , 3 نه‌خوشیێن كوَما ده‌ماران , 937 نه‌خوشێن هاتینه‌ پشكنین كرن ل كوردستانێ ,73 كارمه‌ندێن ته‌ندروستی و نوژدارێن خومالی هاتنه‌ مه‌شقكرن ل سه‌ركاری ل كوردستانێ و 15 نه‌خوش هاتنه‌ هنارتن بو وه‌لاتێ ئیتالیا. 
   

پشكا 1 (كلیك بكه‌)

پشكا 1 (كلیك بكه‌)

Contact Us

Heevie Organization

Iraq, Kurdistan Region / Duhok - St. Mahabad No. 7

+964 750 4314204

+964 62 7625155
 
Email : heevie_duhok@yahoo.com  -  Facebook : Heevie  -  Twitter : Heevie