پروژێ 2009

 

2- پروژێ : پێكئینانا تیمه‌كا ته‌ندروستی یا شاره‌زا د بواری چاره‌سه‌ركرنا نه‌خوشیێن دلی یێن زكماكی ب رێكا قه‌سته‌رێ ل دهوكێ ماوێ به‌خشینێ : 21. 07. 2008 - 30. 04. 2010 
 
ل 21/7/2008 ئه‌ڤی پرۆژه‌ی ده‌ستپێكر و ب شاندێ دوماهیێ بدوماهی هات كو ل هه‌یڤا نیسانا 2010 هاتبوو هنارتن. 
رێكخراوا هیڤی پرۆژه‌ بجه ئینا ژبه‌ر ژمارا زۆر یا نه‌خوشان كو گازنده‌ ژ ئاریشێن ساخله‌میێ ددلیدا دكرن و ئه‌و گه‌له‌ك پێدڤی ب چاره‌كرنێن بله‌زه‌ و پێدڤیه‌ نشته‌رگه‌ی بو بهێته‌كرن. 
وه‌ك رێكخراوه‌كا مرۆڤایه‌تی هه‌ست ب پێدڤیا پێك ئینانا تیمه‌كا نوژداریێ یا پیشه‌كار دكه‌ین كو بشێت سه‌ره‌ده‌ریێ دگه‌ل ڤێ هژمارا زۆر ژ توشبویێن نه‌خوشیێن دلی یێن زكماكی بكه‌ن، ئه‌وژی بكارئینانا رێك و ته‌كنولوجیا پێشكه‌فتی و نوی دڤی بیاڤیدا، ئه‌ڤ زاروكێن توشبووی ب نه‌خوشیێن زكماكی و ئالوز ب ره‌نگه‌كێ نه‌رێك و پێك ل قوتابخانێن خو ئاماده‌بن، ئه‌وان شیانێن هزری و فێربوونه‌كا كێم هه‌یه‌ ژبه‌ر وێ نه‌خوشیێ به‌رده‌وام سه‌ره‌دانا نه‌خوشخانا دكه‌ن بو چاره‌كرنێ ئه‌ڤه‌ژی بارگرانیه‌كه‌ لسه‌ر داهاتێ مرۆڤی وداراییێ ڤان نه‌خوشخانان. 
پرۆژه‌ هاریكاریێ دكه‌ت كو شوینواره‌كێ جڤاكی یێ مه‌زن بجه بهێلیت، ئه‌وژی ب رێكا هاریكاریكرنا خێزانان ژلایێ ئابوریڤه‌ ژبو روی ب رویبوونا ئاریشێن په‌یوه‌ندیدار ب بوارێن كێم ئه‌ندامیا دژوار كو زاروكێن وان پێ توشبووینه‌، هه‌روه‌سا لاوازیا ژێرخانا كه‌رتێ ساخله‌میێ ل ده‌ڤه‌رێ بارگرانیه‌كا دییه‌ لسه‌ر وان خێزانان. ب پاره‌ی پشته‌ڤانیا پرۆژه‌ی هاته‌كرن ژلایێ (RRT) تیما هه‌رێمایه‌تی بو ئاڤه‌دانكرنا هه‌رێما كوردستانێ سه‌رب بالیوزخانا ئه‌مریكیڤه‌ و ب پشته‌ڤانی ژ حكومه‌تا هه‌رێما كوردستانێ و وه‌زاره‌تا ساخله‌میا هه‌رێمێ و رێڤه‌به‌ریا گشتی یا ساخله‌میا پارێزگه‌ها دهوكێ و تیما نوژداریێ و رێكخراوێن ئیتالی (Medchild و SIA). 
 
ئارمانجێن پرۆژه‌ی:
مه‌شقدانا نوژداران و تایبه‌تمه‌ندێن نه‌خوشیێن دلی یا زارۆكان ب رێكا نشته‌رگه‌ریێن قه‌سته‌رێ. 
● په‌یداكرنا چاره‌كرنێ بو بوارێن نه‌خوشیێن ته‌نگاڤ. 
● هاریكاریكرن دگه‌شه‌كرنا شیانێن ساخله‌میێ ل هه‌رێما كوردستانێ ب پێرابوونا نشته‌رگه‌ریا ب رێكا دوماهیك گورانكاریێن نوژداریێ. 
● موكمكرنا پشته‌ڤانی و هه‌ڤكاریێ دناڤبه‌را وه‌زاره‌تا ساخله‌میێ ل هه‌رێما كوردستانێ و رێڤه‌به‌ریێن وێ یێن گشتی دگه‌ل نشته‌رگه‌ر و نوژدارێن ئیتالی. 
● كارتێكرنه‌كا پۆزه‌تیڤیانه‌ لسه‌ر جڤاكی و ده‌زگه‌هێن ساخله‌میێ ب رێكا پێرابوونا نشته‌رگه‌رییێن قه‌سته‌رێ ل دهوكێ بو چاره‌كرنا نه‌خۆشان و په‌یداكرنا دراڤی و ده‌می بو خێزانێن نه‌خوشان كو فێربووینه‌ زارۆكێن خو دبنه‌ ده‌رڤه‌ بو چاره‌كرنێ. 
 
ژسالا 2008 هه‌تا سالا 2010 هیڤی شه‌ش ئه‌رك بجهئیناینه‌ و هه‌ر ئێك دده‌مه‌كێ جیاوازدا، پشتی هیڤی هه‌می پێرابوونێن پێدڤی دگه‌ل نه‌خوشان بدوماهی ئیناین و هه‌می به‌رهه‌ڤیێن لوجستی یێن فه‌ر كرین، ژماره‌ هه‌می نه‌خوشان ئه‌وێن نشته‌رگه‌ریا قه‌سته‌رێ بو هاتیه‌ كرن بووه‌ن (129) زارۆك. 
 

Contact Us

Heevie Organization

Iraq, Kurdistan Region / Duhok - St. Mahabad No. 7

+964 750 4314204

+964 62 7625155
 
Email : heevie_duhok@yahoo.com  -  Facebook : Heevie  -  Twitter : Heevie