پروژێ 2010

 

2- پروژێ : تیما ته‌ندروستی یا گه‌روك / شوات – تیرمه‌ه 2010 
 
ده‌ڤه‌رێن دوورده‌ستێن هه‌رێما كوردستانێ هێش خزمه‌تێن ساخله‌مێی یێن باش نه‌ گه‌هشتینێ. ئه‌ڤ چه‌نده‌ ژ به‌ر كو هه‌رێما كوردستانێ چ ژێرخانێت بهێز نین د ڤی بواری دا. هیڤی ئه‌ڤ خالێن ل خوارێ كرنه‌ ئارمانج د ڤی پروژه‌ی دا : 
 
● پێدانا خزمه‌تێن ساخله‌مێی بو ده‌ڤه‌رێن دوورده‌ست و باژێرك و ئوردیگا 
● كێمكرنا فشارێ ل سه‌ر نه‌خوشخانێت گشتی ل باژێرا 
● دیتنا حاله‌تێن نه‌خوشیێن گران ئه‌وێن ل ده‌ف هنده‌ك كه‌سا د په‌یدا 
● ده‌ستنیشاكرنا جورێن نه‌ خوشیێن به‌ر به‌لاڤ دناڤ خه‌لكی دا 
● هوشداریكرن 
● ئاگه‌هداركرنا ده‌زگه‌هێن ساخله‌میێ ل هه‌رێمێ ل سه‌ر ده‌ڤه‌رێن پێتڤی زیاتر خزمه‌تێن ساخله‌می
 
هیڤی ئه‌ڤ پروژه‌ ب جه ئینا ب هه‌ڤكاریا رێڤه‌به‌ریا گشتی یا ساخله‌میا پارێزگه‌ها دهوكێ و پشته‌ڤانیا بالیوزخانا ئه‌مریكی ل به‌غدا. پروگرامێ تیما گه‌روك ده‌ست پێكر ل گولانا سالا 2008. به‌شدارێن پروژه‌ی هیڤی و بالیوزخانا ئه‌مریكی ئه‌وا كو مووچێن فه‌رمانبه‌را و كارمه‌ندێن ساخله‌میێ و كریێن ترومبێلا ب خوڤه‌ گرتین و هیڤی به‌رپرس بو ل سه‌ر رێكخستنا هه‌می بوارێن پروسا و په‌یداكرنا ده‌رمانا. 
پروژه‌ رادبوو ب وه‌رگرتنا نه‌خوشا و پشكنینا وان و پێدان ده‌رمانا و ئه‌نجامدانا نشته‌رگه‌ریێن بچوویك ل جهی و هنارتنا وان جورو نه‌خه‌شێن كو نه‌هێنه‌ چاره‌سه‌ركرن ل جهی بو نه‌خوشخانێت باژێری دهوكێ. ئه‌ڤ پروگرامه‌ نه‌ بتنێ بو خه‌لكێ گوندا و ئوردیگا به‌لێ بو خه‌لكێ باژێركا ژی بو. ژبلی ڤان جوره‌ خزمه‌تێن دهاتنه‌ پێدان پێگه‌هاندن دهاته‌ پێشكێشكرن بو قوتابیا ژ بو چه‌وانیا خوپاراستنێ به‌لكو گه‌لك ژ وان توشی گه‌له‌ك نه‌خوشیا بوون. 
 
ستافێ كاری یێ ڤی پروژه‌ی یێ پێك هاتیبوو ژ نوژدار و ده‌رمانساز و تیماركار و كارگێر. خزمه‌تێن ساخله‌می زێده‌باری ده‌رمانا سێ كلینیكێن گه‌روك یێن ددانا و تیشكی و تاقیگه‌ه و یا سیێ یا سونارێ بوو. تیم یێ پێكهاتیبو ژ ( 14) نوژدارێن تایبه‌تمه‌ندیێن جورا و جور هه‌روه‌سا 3 ده‌رمانساز 1 ته‌كنیكارێ تاقیگه‌هێ 1 تایبه‌تمه‌ندێ تیشكێ و 2 تیماركار و شوفێرێن رێڤه‌به‌ریا ساخله‌میا دهوكێ و ستافێ كاری یێ هیڤی. 
 
ل سالا 2010 ئه‌ڤ پروژه‌ هاته‌ پالپشت كرن بتنێ ژ لایێ ڤه‌. سه‌رجه‌مێ گوندێن هاتینه‌ سه‌ره‌دانكرن ژ لایێ پروژه‌ی ڤه‌ ل سالا 2010 دبنه‌ (36) گوند و سه‌رجه‌مێ نه‌خوشێن هاتینه‌ چاره‌سه‌ركرن دبنه‌ (17878). 
 
تێبینی: وێنێن ئه‌و گوندێًن تیما گه‌روك سه‌ره‌دان كری ل 2010 دێ بینن ل ئه‌رشیفێ ئینگلیزی یێ 2010
 
پروژه‌ هاته‌ دابه‌شكرن ل سه‌ر چوار ماوێن كاتی و لسه‌ر بنه‌ره‌تێ ژێده‌رێن دراڤی : 
 
1- ماوێ ئێكێ یێ هه‌شت مه‌ها , گولان – كانینا دوێ یا سالا 2008 :
 
پروگرامێ مروڤایه‌تی یێ پروژێ تَیما گه‌روك ل گولانا سالا 2008 ده‌ست پێكر و به‌شدارێن ریًكخستنا پروژه‌ی رێكخراوا هیڤی و بالیوزخانا وه‌لاتێن ئێكگرتی یێن ئه‌مریكی بوون. بالیوزخانا ناڤبری مووچێن فه‌رمانبه‌رێن ساخله‌می و كارگیری و كرێیا ترومبێلا بخو ڤه‌ گرت, د هه‌مان كات دا هیڤی رێكخستنا هه‌می كارێًن پروژه‌ی و په‌یداكرنا ده‌رمانا ب خوڤه‌ گرت. 
 
كوژمێ گوندێن هاتینه‌ سه‌ره‌دان كرن گه‌هشتنه‌ (68) گوندا و هژمارا تێكرا یا نه‌خوشیًَن هاتینه‌ چاره‌سه‌ركرن ل سالا 2008 بونه‌ (17686). 
 
2- ماوێ دووێ یێ شه‌ش مه‌ها , كانینا دووێ – خزێران 2009 :
 
هیڤی پالپشتكرنا پروژه‌ی ژ لایێ دراڤی ڤه‌ كر هه‌ر ژ كانینا دووێ 2009. هژماره‌ گوندێن هاتینه‌ سه‌ره‌دان كرن دڤی ماوێ پروژه‌یدا بونه‌ (43) گوند و هژمارا نه‌خوشێن هاتینه‌ چاره‌سه‌ركرن بونه‌ (20073) نه‌خوش. 
 
3- ماوێ سیێ یێ پێنج مه‌ها , تیرمه‌ه – چریا دووێ 2009 :
 
به‌شداریًن ڤی ماوێ پروژه‌ی هیڤی و پالپشتیا بالیوزخانا ئه‌مریكی یا دراڤی بوون. 
هژمارا گوندێن هاتینه‌ سه‌ره‌دانكرن بونه‌ (50) گوند و هژمارا نه‌خوشێن هاتینه‌ چاره‌سه‌ركرن بونه‌ (18492) نه‌خوش. 
 
4- ماوێ چوارێ یێ شه‌ش مه‌ها , شوات – تیرمه‌ه 2010 : 
 
ل سالا 2010 پروژه‌ هاته‌ برێڤه‌برن بتنێ ژ لایێ هیڤی ڤه‌. هژمارا گوندێن هاتینه‌ سه‌ره‌دان كرن بونه‌ (36) گوند و هژمارا نه‌خوشێن هاتینه‌ چاره‌سه‌ركرن گه‌هشتنه‌ (17878) نه‌خوش. 
 
خشتێن ل خوارێ دیار ئامارێن گوندا و جورێن نه‌خوشیا نیشان دده‌ن.
   

ئامارێن پروژیّ تیما ساخله‌می یا گه‌روك ێین جورێ نه‌خوشییێ ل سالێن 2008-2009-2010

Contact Us

Heevie Organization

Iraq, Kurdistan Region / Duhok - St. Mahabad No. 7

+964 750 4314204

+964 62 7625155
 
Email : heevie_duhok@yahoo.com  -  Facebook : Heevie  -  Twitter : Heevie