|
5- پروژێ: تیما ته‌ندروستی یا گه‌روك
هیڤی ئوپراسیونێن خو یێن كاری به‌رفره كرن دا بگه‌هنه ده‌ڤه‌رێن دوورلده‌ست ل پارێزگه‌ها دهوكێ و هنده‌ك ده‌ڤه‌رێن هه‌ولێر و نه‌ینه‌وا. ئارمانجا پروژێ تیما ته‌ندروستی یا گه‌روك هه‌می خه‌لكه ب تایبه‌ت زاروك. ده‌ڤه‌رێن دوورده‌ستێن هه‌رێما كوردستانێ هێش خزمه‌تێن ساخله‌مێی یێن باش نه گه‌هشتینێ. ئه‌ڤ چه‌نده ژ به‌ر كو هه‌رێما كوردستانێ چ ژێرخانێت بهێز نین د ڤی بواری دا وژ مه‌ها ته‌باخێ 2014 رێكخراوا هیڤی پروژێ تیما ته‌ندروستی یا گه‌روك ته‌رخان كر ژ بو خزمه‌تا چاره‌سه‌ریا په‌نابه‌ران و ئه‌ڤ خالێن ل خوارێ كرنه ئارمانج د ڤی پروژه‌ی دا :
-
پێدانا خزمه‌تێن ساخله‌مێی بو ده‌ڤه‌رێن دوورده‌ست و باژێرك و ئوردیگا
-
كێمكرنا فشارێ ل سه‌ر نه‌خوشخانێت گشتی ل باژێرا
-
دیتنا حاله‌تێن نه‌خوشیێن گران ئه‌وێن ل ده‌ف هنده‌ك كه‌سا د په‌یدا
-
ده‌ستنیشاكرنا جورێن نه خوشیێن به‌ر به‌لاڤ دناڤ خه‌لكی دا
-
هوشداریكرن
-
ئاگه‌هداركرنا ده‌زگه‌هێن ساخله‌میێ ل هه‌رێمێ ل سه‌ر ده‌ڤه‌رێن پێتڤی زیاتر خزمه‌تێن ساخله‌می
-
چاره‌سه‌ریا په‌نابه‌ران
پروژه هاته دابه‌شكرن ل سه‌ر شه‌ش ماوێن كاتی و لسه‌ر بنه‌ره‌تێ ژێده‌رێن دراڤی :
1- ماوێ ئێكێ بو هه‌شت مه‌ها , گولان – كانینا دوێ یا سالا 2008 :
پروگرامێ مروڤایه‌تی یێ پروژێ تَیما گه‌روك ل گولانا سالا 2008 ده‌ست پێكر و به‌شدارێن ریًكخستنا پروژه‌ی رێكخراوا هیڤی و بالیوزخانا وه‌لاتێن ئێكگرتی یێن ئه‌مریكی بوون. بالیوزخانا ناڤبری مووچێن فه‌رمانبه‌رێن ساخله‌می و كارگیری و كرێیا ترومبێلا بخو ڤه گرت, د هه‌مان كات دا هیڤی رێكخستنا هه‌می كارێًن پروژه‌ی و په‌یداكرنا ده‌رمانا ب خوڤه گرت.
كوژمێ گوندێن هاتینه سه‌ره‌دان كرن گه‌هشتنه (68) گوندا و هژمارا تێكرا یا نه‌خوشیًَن هاتینه چاره‌سه‌ركرن ل سالا 2008 بونه (17686).
2- ماوێ دووێ بو شه‌ش مه‌ها , كانینا دووێ – خزێران 2009 :
هیڤی پالپشتكرنا پروژه‌ی ژ لایێ دراڤی ڤه كر هه‌ر ژ كانینا دووێ 2009. هژماره گوندێن هاتینه سه‌ره‌دان كرن دڤی ماوێ پروژه‌یدا بونه (43) گوند و هژمارا نه‌خوشێن هاتینه چاره‌سه‌ركرن بونه (20073) نه‌خوش.
3- ماوێ سیێ بو پێنج مه‌ها , تیرمه‌ه – چریا دووێ 2009 :
به‌شداریًن ڤی ماوێ پروژه‌ی هیڤی و پالپشتیا بالیوزخانا ئه‌مریكی یا دراڤی بوون.
هژمارا گوندێن هاتینه سه‌ره‌دانكرن بونه (50) گوند و هژمارا نه‌خوشێن هاتینه چاره‌سه‌ركرن بونه (18492) نه‌خوش.
4- ماوێ چوارێ بو شه‌ش مه‌ها , شوات – تیرمه‌ه 2010 :
ل سالا 2010 پروژه هاته برێڤه‌برن بتنێ ژ لایێ هیڤی ڤه. هژمارا گوندێن هاتینه سه‌ره‌دان كرن بونه (36) گوند و هژمارا نه‌خوشێن هاتینه چاره‌سه‌ركرن گه‌هشتنه (17878) نه‌خوش.
5- ماوێ پێنجێ بو هه‌شت مه‌ها , نیســانێ – چــریا دووێ 2013 :
ل سالا 2013 پروژه هاته برێڤه‌برن بتنێ ژ لایێ هیڤی ڤه. هژمارا گوندێن هاتینه سه‌ره‌دان كرن بونه (31) گوند و هژمارا نه‌خوشێن هاتینه چاره‌سه‌ركرن گه‌هشتنه (9784) نه‌خوش.
6- ماوێ شه‌شێ بو ساله‌كێ 2014 :
ل سالا 2014 پروژه هاته برێڤه‌برن بتنێ ژ لایێ هیڤی ڤه. هژمارا سه‌ره‌دانا بونه (106) سه‌ره‌دان و هژمارا نه‌خوشێن هاتینه چاره‌سه‌ركرن گه‌هشتنه (35371) نه‌خوش.
خشتێن ل خوارێ دیار ئامارێن گوندا و جورێن نه‌خوشیا نیشان دده‌ن:
|
|
 |
|
ئامارێن پروژیّ تیما ساخله‌می یا گه‌روك ێین جورێ نه‌خوشییێ ل سالێن 2008-2009-2010-2013-2014 :
ل سالێن 2008- 2010 هیڤی ئه‌ڤ پروژه ب جه ئینا ب هه‌ڤكاریا رێڤه‌به‌ریا گشتی یا ساخله‌میا پارێزگه‌ها دهوكێ و پشته‌ڤانیا بالیوزخانا ئه‌مریكی ل به‌غدا. پروژه ئێك ژ پروژێن زور سه‌ركه‌فتی بو ئه‌و ژی كو شیا ژمارا نه‌خوشێن سه‌ره‌دانا نه‌خوشخانادكه‌ن ل باژێرا به‌رچاڤ كێم بكه‌ت. راوسته‌نا پروژه‌ی بو ماوه‌كی دیاركری ژ بو وێ چه‌ندێ بو هه‌لسنگانده‌نك بهێته ئه‌نجامدان ژ بو ڤه‌دیتنا ژمارا نه‌خوشان ئه‌وێن پێتڤی چاره‌سه‌ریێ به‌راورد دگه‌ل سالێن 2008 تا 2010.
پروژه رادبوو ب وه‌رگرتنا نه‌خوشا و پشكنینا وان و پێدان ده‌رمانا و ئه‌نجامدانا نشته‌رگه‌ریێن بچوویك ل جهی و هنارتنا نه‌خوشێن كو نه‌هێنه چاره‌سه‌ركرن ل جهی بو نه‌خوشخانێت باژێری دهوكێ. ئه‌ڤ پروگرامه نه بتنێ بو خه‌لكێ گوندا و ئوردیگا به‌لێ بو خه‌لكێ باژێركا ژی بو. ژبلی ڤان جوره خزمه‌تێن دهاتنه پێدان پێگه‌هاندن دهاته پێشكێشكرن بو قوتابیا ژ بو چه‌وانیا و و كه‌س و كارێن وان چه‌وانیا خوپاراستنێ به‌لكو گه‌لك ژ وان توشی گه‌له‌ك نه‌خوشیا بوون.
ستافێ كاری یێ ڤی پروژه‌ی یێ پێك هاتیبوو ژ نوژدار و ده‌رمانساز و تیماركار و كارگێر. خزمه‌تێن ساخله‌می زێده‌باری ده‌رمانا سێ كلینیكێن گه‌روك یێن ددانا و تیشكی و تاقیگه‌ه و یا سیێ یا سونارێ بوو ئه‌وا كو بنایبه‌ت هاتیه ب كار ئینان ژ بو پشكنینا ئافره‌تێن دووگیان و هانده‌ردانا وان ژ بو سه‌ره‌دانكرنا پسپورێن نه‌خوشیێن ئافره‌تا و دووگیانیێ ژ بو پشكنینێن گشتی و كێمكرنا رێژا زاره‌كیچن نه‌خوشێن زكماكی. تیم یێ پێكهاتیبو ژ (14) نوژدارێن تایبه‌تمه‌ندیێن جورا و جور هه‌روه‌سا 3 ده‌رمانساز 1 ته‌كنیكارێ تاقیگه‌هێ 1 تایبه‌تمه‌ندێ تیشكێ و 2 تیماركار و شوفێرێن رێڤه‌به‌ریا ساخله‌میا دهوكێ و ستافێ كاری یێ هیڤی. كوژمێ گشتی یێ گوندێن هاتینه ڤه‌گرتن دناڤبه‌را سالێن 2008-2010 دبنه (197) و ژمارا نه‌خوشێن هاتینه چاره‌سه‌ركرن و ڤه‌دیتن گه‌هشتنه (74129).
ل ده‌ستپێكا سالا 2013 هیڤی ده‌ستبكاربوونا پروژه‌ی كره ڤه ب پشته‌ڤانیا نڤیسینگه‌ها تایبه‌ت یا رێزدار نێچیرڤان بارزانی سه‌روكێ حكومه‌تا هه‌رێما كوردستانێ و ب هه‌ڤكاری دگه‌ل رێڤه‌به‌ریا گشتی یا ساخله‌میا دهوكێ. ل ڤێ سالێ هیڤی ترومبێلا كلینیكا گه‌روك ب كاردئینیت ئه‌وا هاتیه به‌خشین ژ لایێ رێكخراوا MedChild یا ئیتالی ڤه. ڤێ كلینیكێ چه‌ندین ئامیرێن پزیشكی تێدانه د گه‌ل سیسته‌می په‌یوه‌ندیێن سه‌ته‌لایتێ كو نوژدارێن خومالی دێشێن په‌یوندیێ ب وه‌كهه‌ڤێن خو بكه‌ن ل ئیتالیا. ستافێ پروژه‌ی پێكدهات ژ 7 نوژدار و 2 ده‌رمانساز و 1 تیماركار زێده‌باری هه‌می كارمه‌ندێن هیڤی.
ل ساڵا 2014 , (106) سه‌ره‌دان هاتنه كرن بو گوندا وكه‌مپێن ئاواره و( 35371 ) نه‌خوش هاتنه پشكنین كرن یان چاره‌سه‌ركرن ژ لایێن نوژدارێن خومالی ب رێكا پروژێ تیما ته‌ندروستی یا گه‌روك وه‌ك ل خشتێن ژماره 1,2 دیار ,هه‌ر وه‌سا رێكخراوا هیڤی ب هاریكاریا رێڤه‌به‌رێ پشكا ساخله‌می ل نڤیسینگه‌ها به‌رێز نێچیرڤان بارزانی به‌رێز فخری حسین كابینه‌كا پێكهاتی ژ چوار ژورا پێشكه‌شكر بو په‌نابه‌رێن كوردێن روژئاڤا ل كه‌مپا باجد كندال دا بیته بنگهێ ساخله‌میێ ل وێ ده‌ڤه‌رێ.
خشته ژماره 1:
خشته ژماره 2:
وێنێن ئه‌و گوندێًن تیما گه‌روك سه‌ره‌دان كری ل 2014 ب مه‌ها
كانینا دووێ - (كلیك بكه)
شوات - (كلیك بكه)
ئادار - (كلیك بكه)
نیسان - (كلیك بكه)
خزیران - (كلیك بكه)
تیرمه‌ه - (كلیك بكه)
ته‌باخ - پشكا 1 (كلیك بكه)
ته‌باخ - پشكا 2 (كلیك بكه)
ته‌باخ - پشكا 3 (كلیك بكه)
ته‌باخ - پشكا 4 (كلیك بكه)
ئیلون - پشكا 1 (كلیك بكه)
ئیلون - پشكا 2 (كلیك بكه)
ئیلون - پشكا 3 (كلیك بكه)
ئیلون - پشكا 4 (كلیك بكه)
چریا ئێكێ - پشكا 1 (كلیك بكه)
چریا ئێكێ - پشكا 2 (كلیك بكه)
چریا دووێ - پشكا 1 (كلیك بكه)
چریا دووێ - پشكا 2 (كلیك بكه)
كانینا ئێكێ - (كلیك بكه)
|
