د سالا ٢٠١٩ێ دا، ڕێكخراوا هێڤی بهردهوامی دا ب پڕۆژە و چالاكییێن ساخلهمی ب مهرهما گههاندن و دابینكرنا هاوكارییێن مرۆڤایهتی بۆ دهڤهرێن جۆراوجۆر. د ڤی بواری دا، ڕێكخراوا هێڤی شیا خزمهتێن ساخلهمی بگههینیتە زێدهتر ژ ٤٤٩،٠٢٦ نهخۆشان، ڤان پڕۆژان دهڤهرێن جۆراوجۆر سهرانسهری پارێزگههێن دهۆك و نهینهوا و ههولێر ب خۆڤە گرتبوون و ژ وان ژی دهڤهرێن تووشبووی ب شهڕ و كارهساتان.
خزمهتێن ساخلهمی یێن كو هاتینە پێشكێشكرن د ناڤا پڕۆژێن ڕێكخراوا هێڤی ئاستێن دهستپێكی و پێشكهفتی ب خۆڤە گرتبوون. خزمهتێن ساخلهمیا دهستپێكی پێكهاتبوون ژ خزمهتێن خۆپاراستنێن ساخلهمی و چارهسهریا دهرمانان، چاڤدێریا ئافرهتێن دووگیان، بهدخۆراكی، ڤاكسیندان، ساخلهمیا دهڤ و ددانا، تاقیگهه، سۆنهر، نشتەرگەریێن بچویک و ڕهوانهكرنا نهخۆشان بۆ سهنتەرێن ساخلهمی یێن پێشكهفتی.
د بواری خزمهتێن ساخلهمی یێن پێشكهفتی دا، ڕێكخراوێ بهردهوامیا دا پڕۆژێ خۆ یێ چارهسهركرنا زارۆکێن تووشبووی ب ئێشێن دلێ یێن زکماتی زێدهباری پشتهڤانیكرنا دهزگههێن ساخلهمی یێن سهر ڕێڤهبهریێن ساخلهمی و پێشئێخستنا شیانان و مهشق و ڕاهێنانا ستافێ ساخلهمی یێ ناڤخۆیی.
ڕێكخراوا هێڤی، وهك ئهندامهكێ چالاك د گرووپێ ساخلهمیێ یێ نشتیمانی یێ عێراقێ و ههروهسا یێن پارێزگههێن جۆراوجۆر، بهردهوامی دا ب پشکداریا خۆ یا چالاك د كۆمبوون و وۆرك شۆپ و لیژنێن جۆراوجۆر دا و ههروهسا ههماههنگییهكا تمام دگهل دهزگههێن ساخلهمی یێن ناڤخۆیی.
کلیک لێرە بکە بۆ بينيني فايل > PDF
پێویستە تۆ چوویتە ژوورەوە بیت بۆ نووسینی سەرنج.