ب ڕێکا پڕۆژێن خۆ یێن ساخله‌می یێن جۆراوجۆر ل سالا ٢٠١٨ێ، ڕێكخراوا هێڤی شیا خزمه‌تێن ساخله‌می بگه‌هینیتە زێده‌تر ژ ٣١٣،٦٤٧ نه‌خۆشان، ڤان پڕۆژان ده‌ڤه‌رێن جۆراوجۆر سه‌رانسه‌ری پارێزگه‌هێن دهۆك و نه‌ینه‌وا ب خۆڤە گرتبوون و ژ وان ژی ده‌ڤه‌رێن تووشبووی ب شه‌ڕ و كاره‌ساتان. خزمه‌تێن ساخله‌می یێن هاتینە پێشكێشكرن ئاستێن ده‌ستپێكی و پێشكه‌فتی ب خۆڤە گرتبوون و پێكهاتبوون ژ پشکنین و چاره‌سه‌ریا ده‌رمانان و چاڤدێریا ئافره‌تێن دووگیان و خوراك و ڤاكسیندان و ددان و تاقیگه‌ه و سۆنه‌ر و نشتەرگەریێن بچویک و ڕه‌وانه‌كرنا نه‌خۆشان بۆ سه‌نتەرێن ساخله‌می یێن پێشكه‌فتی.

خزمه‌تێن ساخله‌می یێن پێشكه‌فتی پێكهاتینە ژ چاره‌سه‌ریا زارۆکێن تووشبووی ب ئێشێن دلێ یێن زکماتی، پشته‌ڤانیكرنا ده‌زگه‌هێن ساخله‌می یێن سه‌ر ڕێڤه‌به‌ریێن ساخله‌می و پێشئێخستنا شیانان و مه‌شق و ڕاهێنانا ستافێ ساخله‌می ب هه‌ڤپشكی دگه‌ل هه‌ڤكار و ڕێكخراوێن ئیتالی.