پروژێ 2013
Submitted by webmaster on Sat, 2015-01-17 01:06
1- پروژێ: چاره‌سه‌ركرنا نه‌خوشان و مه‌شق كرن وراهێنانا نوَژداران وكارمه‌ندێن ته‌ندروستی ب هه‌ڤكاری دگه‌ل رێكخراوێن ئیتالی
هیڤی سه‌ره‌رای داكوكیێ ل سه‌ر چاره‌سه‌ریا نه‌خوشا, پیته دده‌ته پێكئینانا په‌یوه‌ندیا دناڤبه‌را لایه‌نێن پشكدار د پروژێت خودا. ئه‌م هزر دكه‌ین كو هه‌می چالاكی دێ ببزاڤتربن دگه‌ل هه‌بوونا هاریكاریێ و هه‌ڤكاریێ و پێگه‌هشتنێ دناڤبه‌را لایه‌نا دا. مه رشدی كره سه‌ر پشكداریكرنا ده‌زگه‌هێن ئه‌كادیمی دگه‌ل وه‌كهه‌ڤێن خو ل ئیتالیا. ڤێ پێنگاڤێ ده‌لفه‌ت ب نوژدارێن خومالی دا ژ بو په‌یوه‌ندیكرنێ دگه‌ل باشترین نوژدارێن ئیتالی ژ بو سه‌رئێخستنا مه‌شقكرنێ و چه‌وانیا رابوونێ ب ڤێ چه‌ندێ. چاره‌سه‌ركرنا نه‌خوشا ئارمانجا سه‌ره‌كییه ژ پروسا هه‌ڤكاریێ دگه‌ل هه‌می لایه‌نا و هه‌روه‌سا مه‌شقكرنا نوژدارێن خومالی زور یا گرنكه ژ بو ئاییندێ شیانێن خویه‌تی. هیڤی و ب هه‌ڤكاریا رێكخراوێن ئیتالی و ب پشته‌ڤانیا حكومه‌تا هه‌رێما كوردستانێ , وه‌زاره‌تا ته‌ندروستی به‌ردوه‌امی دا پروژێ چاره‌سه‌ركرنا نه‌خوشان و مه‌شق كرن وراهێنانا نوَژداران وكارمه‌ندێن ته‌ندروستی ل سالا 2013.
ل ساڵا 2013 :
● 18 نه‌خوش هاتنه هنارتن بو وه‌لاتێ ئیتالیا ب هه‌ڤكاری دگه‌ل رێكخراوێن ئیتالی
● 155 نه‌خوش هاتنه نشته‌رگه‌ریكرن ژ لایێن تیمێن نوژدارێن ئیتالی ڤه ل كوردستانێ
● 1898 نه‌خوش هاتنه پشكنین كرن ل كوردستانێ ژ لایێن تیمێن نوژدارێن ئیتالی ڤه و نوژدارێن خومالی یێن مه‌شقدای
● 12 كارمه‌ندێن ته‌ندروستی و نوژدارێن خومالی هاتنه مه‌شقكرن ل وه‌لاتێ ئیتالیا ب هه‌ڤكاری دگه‌ل رێكخراوێن ئیتالی
● 80 كارمه‌ندێن ته‌ندروستی و نوژدارێن خومالی هاتنه مه‌شقكرن ل سه‌ركاری ل كوردستانێ ژ لایێن تیمێن ئیتالی ڤه
● 55 نوژدارێن تایبه‌تمه‌ندێن شاره‌زا یێن ئیتالی ل كوردستانێ كار كرن چه‌ندیین جارا